黑暗

【每日壹爆|低收入青年的生活】廚房仔月尾捱麵包唔敢拍拖 兼職侍應兩年冇買新衫

壹週刊 NEXT
意见 274 724
86% 1 520 240

統計處去年底公佈,本港17年的貧窮人口近138萬,約每5個港人就有1個窮。政府高調扶貧,但卻愈來愈多窮人。
按邏輯,因為很多人收入低,才會這麽多窮人。的而且確,很多基層市民,都是入不敷支,尤其是一些沒有學歷的青少年,他們都是低收入的一群。
由內地來港、只讀到中二的賢仔,做過多份飲食業,現在是廚房學徒,月薪一萬。交屋租給家用後,自己所餘無幾,試過月底捱麵包,連拍拖都不敢。
讀到中三的Leon,因找不到全職,只能做兼職侍應。計時薪沒福利,每月做二十多天只得八千多元。生活上,面對種種壓力。
他們都覺得,微薄的收入,在這個百物騰貴的地方,每個月都是挑戰。
撰文:程志康 攝影:田俊
「好快就煮好啦,等多一陣啦。」太和一間餐廳的廚房內,身型瘦削的邵浩賢(20歲),左手握著鐵鑊,右手拿著鑊剷,出盡力地又拋又炒。他不是大廚,只是廚房學徒。炒的,都是員工的伙食。
新移民搵工難
賢仔坦言,自己是新移民,在內地只讀到中二,四年前由肇慶來港定居,「初初嚟到香港搵工時,真係好困難,可能因為自己年紀小,又冇乜嘢經驗。」看到食肆門口貼有招聘廣告,他就去試,又會用手機程式找工作。總之,有人肯請他便做。
這幾年,做過幾份工作,都是飲食業,由招呼客人的侍應,再走入又熱又濕滑的廚房。每天工作十小時,不停地洗食材、切配料,還要搬搬抬抬,看上去很辛苦的,「做廚師是我的心願,煮嘢俾人食,客人食得開心,我自己都會有好大滿足感。」
人工低要好慳
做學徒,人工當然不會太高,「月薪大約一萬蚊。」因為賺得不多,賢仔坦言在生活上有很大的壓迫感,「都有好大壓力,因為每個月車費,放假食飯各方面開支,再加上租金都好貴,所以一萬蚊真係唔夠用。」因為父母返回內地生活,他在深水埗租住劏房,月租三千五百元,「另外要俾三千蚊父母做家用,所以每個月都要好慳,唔可以亂用錢。」
租金是硬性支出,唯有在其他方面慳一點,「平時會在鋪頭食飯,唔使返工時,盡量自己買餸返屋企煮,好少出去食,咁樣可以慳好多。」放假消遣,他多數跟朋友去郊野公園行山,又或留在家中打機;買衣服,多數是淘寶二、三十元的平價貨,「主題公園我從來未去過,因為太高消費,自己人工低,唔捨得去呢啲地方玩。」如果真的用多了,月尾放假時,就只能捱麵包,「冇辦法,人工就係得咁多,要就住嚟用。」
唔敢拍拖
因為沒有多餘錢,賢仔笑說現在連拍拖都不敢,「如果有女朋友嘅話,兩個人出街食飯都已經好高消費,仲要間中送禮物呢,呢啲對我嚟講真係太奢侈,真係負擔唔起,所以依家連搵女朋友嘅勇氣都冇,養掂自己先啦。」
即使如此,但賢仔仍堅持每個月都要儲起一點錢,「大概儲千零蚊,如果真係好慳嘅話,都可以儲到兩千蚊,始終有啲錢傍身,有咩突發事情都唔使咁徬徨。」他亦有個理想,希望將來自己可以開餐廳做老闆,「做呢行,個個都想有自己嘅餐廳,我雖然依家只係個學徒,但我相信只要肯努力,一定會成功。」
24歲的楊錦龍,跟家人住在香港仔的公屋。他讀到中三便輟學,是典型低收入的一群,「做過好多份工,保安員、便利店職員、賣文具家品嘅店務員,仲有戲院帶位、餐廳侍應,連臨時演員都做過。」他承認,學歷太低,不會找到什麼好的工作。
只能做兼職
他現在任職餐廳兼職侍應,「仲要兼顧收銀、送外賣同拖地,都好多嘢做㗎。」他選擇做兼職,不是因為懶,而是這一行已慣性聘用兼職,「我覺飲食業趨勢係兼職多過全職員工,因為老闆唔想咁多責任,唔想供強積金同俾有薪價期。」他說,想找一份有福利的全職,確實不容易,「我做嗰間餐廳,全職可能只得一、兩個,但兼職就有十幾個。」
Leon(楊之洋名)表示,他的時薪只有四十三元,每個月返二十多天,每天做八小時,一個月下來才有八千多元,「其實真係唔夠用,因為呢個收入只係夠自己一個人嘅基本消費,每個月都唔可以有太大額外消費,例如買新衫、新鞋,變成可能要好慳,節衣縮食先可以過活。」他說,每個月都會給家人三千元家用。
好少出街食飯
低收入,唯有自己慳一點,「點慳?盡量避免不必要嘅消費囉。」他下午才上班,早餐和午餐,他很少會出街吃,「出去餐廳食個早餐,起碼三十幾,午餐更要差唔多五十蚊,好貴,所以我多數去街市買嘢返嚟自己煮。」
年青人愛玩樂,但他也很有節制,跟朋友一個月只去兩、三次街,「對上一次唱K,都差唔多係半年至一年前,除非有乜嘢特別日子朋友邀請,先會陪佢哋去一次,可能一年都冇一次。出去玩,一定係食快餐店,幾十蚊搞掂。好少買衫,都有兩年冇買過新衫,都係著舊衫。」
未去過外國
旅行,他想也不敢想,「我已經好耐冇去旅行,上一次去旅行,應該係小時候,唔記得小學定中學啦,跟家人返回大陸,都唔知算唔算去旅行,我根本未去過其他國家旅行。」
他覺得,香港物價上升的速度,遠比薪金高得多,所以基層市民的生活十分淒慘,「香港最低工資嘅一群,其實我都算係其中一份子,生活壓力其實都幾大。
」他試過到月尾時,褲袋只剩下百多元,等待下一期薪金,「唯有好小心花錢,每天除咗上班,就會留喺屋企,唔會跟朋友出街,或者有任何多餘消費。」低收入,每個月也充滿挑戰。
雖然收入微薄,但Leon覺得自己不是廢青,「因為我唔係唔肯做,我都有目標同理想。」他希望遲些去修讀一些課程,增值自己,再找一份自己喜歡的工作,「自己比較喜歡電腦,我想搵一份跟電腦相關嘅工作,想喺呢方面有些作為。」他希望能在兩、三年之內儲到一筆錢,就可以專心去讀書。
年青人,只要肯努力,總會找到自己的出路……….
立即下載《壹週刊》Apps,隨時隨地睇盡時政專題、深度偵查、娛樂熱話!
按此連結:bit.ly/next28app

《壹週刊》28周年,無懼風波,堅持敢言,壹直企硬。

2018年改革版《壹週刊》流動應用程式,換上耳目一新的設計,讓用戶更易於瀏覽各式新聞影片及圖文資訊,立即按此連結下載最新版本 iOS及Android APP,即可體驗精彩不絕內容:goo.gl/NVySCK
壹週刊 : nextplus.hk/
即 like 壹週刊 fb : facebook.com/nextmagazinefansclub

添加

 

2019年03月 7日

分享:

链接:

下载:

加载链接.....

添加到:

我的播放列表
稍后观看
评论 745
豪仔餅
豪仔餅 5 小时 前
廚房做边到得
Ho Wong
Ho Wong 10 小时 前
第一個心態好有上一代香港人既感覺,祝佢早日成功。
Real Man Church
你地絕對唔係癈青啦!!!但其實你地咁後生試下in大公司既餐廳人工會好一點... 你地要加油!!!我16年前出黎做都係得三千蚊個月!!做做下就會有出路(其實我而家都唔係搵得多只係餓唔死屋人)
Andreas Chee
Andreas Chee 天 前
辍学 如果要去工作 一般是去当厨房学徒就是最容易找到的工作。可惜里面薪水暂时不会高而且很辛苦有要被辱骂。这是正常的。 有门学艺怎样都不会饿死的。去找一些辛苦型的工作 大致上是可以找到 如果要文凭学历的就轮不到辍学生了。
Bobo Cheung
Bobo Cheung 2 天 前
鍾意打機可以做打機youtuber電競選手
Bobo Cheung
Bobo Cheung 2 天 前
跟車送貨司機都20000幾
Bobo Cheung
Bobo Cheung 2 天 前
加油 每個人都有自己的生活態度 不同問題!加油💪
areuok yu
areuok yu 2 天 前
講野有口音?
leesy kwok
leesy kwok 2 天 前
廚房果位年輕人,入廚初時係辛苦,低薪,有功底就有得選擇,一萬個月就小D,可能你新手,搵間有嘢學要緊,𨶹乎你將來,萬事起頭難,無有怕⋯⋯
CalVin On9TheBesT
26日都搵得1萬...
Hk咸濕伯父乂
其實我覺得學徒人工真係on99 做野又唔係少撚過師傅(分分鐘工作量多過師傅)但人工少佢地8000 我係其中一個
wai lun Au
wai lun Au 2 天 前
到廚包食,可以慳左食
艾絲Ice
艾絲Ice 2 天 前
第二個一日返8小時,Pt waiter好多都係$50per hour,$50x8= $400,10日即刻$4000,20日即係$8000,扣埋份老強真係得7k-8k 佢冇講笑wo~係你哋要去了解下行情先 好多餐廳都係畀呢個數囉~
Kelvin Lee
Kelvin Lee 2 天 前
我覺得你地好以貌取人咯,兩個都係廚,兩個都窮鬼,兩個都生活困苦壓力大。D評價居然可以咁兩極,講到尾都係因為第一個靚仔D。
Dixon Ho
Dixon Ho 3 天 前
放心。會苦盡甘來。
布丁哥 飯味
少壯不努力,屎到冇得食!
Keung  Kin
Keung Kin 3 天 前
你們要加油,你地一定會得
game69play
game69play 3 天 前
祝你好運,自求多福,灰中帶樂。
新天地
新天地 3 天 前
第一位要去讀D廚藝課程証書,咁先可以增值自己。第一讀完可以去其他高少少級數餐廳工作,第二可以增加自己行業經驗同人面廣闊,第三跳槽先會令自己人工高,先可以儲到錢,你嘅餐廳夢先會實現到。
Edward
Edward 3 天 前
You're doing good, add oil. Better than many young Hongkies who give up in life and just spend their money on making themselves feel good in the present.
Dog cents
Dog cents 3 天 前
学好技术 同时存点钱 10年左右 刚好30岁 到时大湾区完善左过黎大陆 开店或者搞第d 大把钱途啦
Dog cents
Dog cents 3 天 前
不如回流大陆啦 虽然工资都系低 但系机会多好多
Creepy
Creepy 3 天 前
有啲意見比下第二個人兄: 就係你去減肥先啦,咁得行。臨工大把時間啦,你係度怨天怨地到頭來其實乜9都冇
Creepy
Creepy 3 天 前
如果每個月草2,3千,你未來想開到餐廳都難。講真你老闆昆你做廚師先得萬蚊。洗碗呀姐仲高。 第二位人兄。懶又唔學門手藝,怨天都幫唔倒你啦。怪錢少又唔想返長工。
1005332
1005332 3 天 前
採訪記者都夠窮啦
MILK YUNG
MILK YUNG 4 天 前
人窮志不窮,唔好俾眼前嘅困境打擊到自己。讀唔成書唔代表做嘢唔會成功,趁後生,勤力D,努力D,總會捱出一片新天地。我都好贊成佢雖然唔係本土出世嘅香港年輕人,但佢絕對比好多本土年輕人識諗同上進。
Tiger J
Tiger J 4 天 前
第一個做厨,雖然辛苦,但學到一門手藝,可以自立門戶,加油 笫二個做的所有工,全是手板眼見無野學的工作,年紀輕輕,這樣浪費時間,真是很不明智 如想讀電腦,可以半工讀,不一定要等夠錢才讀,現在有很多課程可以上網讀
陳宇
陳宇 4 天 前
咩事呀。做廚房10000蚊。白紙都14000啦。。。
安好勿念
安好勿念 4 天 前
啊Leon仔著住super star但係講話唔夠錢洗
Yu Sum Wong
Yu Sum Wong 4 天 前
點解依家啲工咁低人工?年青人點生活?成個社會都無希望。
Huimin Zhou
Huimin Zhou 4 天 前
同学,好多女仔都如果真心爱你,会明白体谅你噶处境,同你一起挨噶。不要灰心啊!加油!
一鸣 张
一鸣 张 4 天 前
我系廣州人,我而家系廣州都係一萬蚊出頭,有老婆,未有細路,唔需要租屋,每個月給1600人仔父母,自己同老婆住,給2500家用。我覺得還好,錢還夠用。點解系HK,七八千一個月仲唔夠用?
一鸣 张
一鸣 张 4 天 前
我系同老婆兩個人住開,唔同父母住。
981142981142
981142981142 4 天 前
好多文職表面風光,實際攞得10-12k人工,咪一樣低收入,上勞工處睇下,13k已經諸多要求。 至於片中2位,無學歷男仔肯做廚房,三行,地盤,跟車,點都有萬幾,第1位尚好,始終想做廚,做得開心可能唔介意低d人工學野。第2位算吧啦,兼職7,8千,懶就懶啦,怨咩
Alvin Sun
Alvin Sun 4 天 前
一份唔夠咪搵兩份囉,再唔夠咪轉份辛苦工,肯捱唔怕辛苦出去做師都六七百蚊一日,一個月26工,襯後生返埋果四日工或收工再打多份兼職
syc807
syc807 4 天 前
所以冇錢人生仔只係製造奴隸比有錢的人用,還要自己造奴隸去養大佢出來做奴隸,代代為奴
Gino Kimura
Gino Kimura 4 天 前
加油,少年
Ho Ching Yan Jacky Jacky
Lol it’s so hilarious....😂😂😂
常会计师
常会计师 4 天 前
年轻人,做厨房,对身体要求好高,睇你已经开始韩背,你要开始健身锻炼,否则呢行真系好伤身体。行行出状元,努力,加油。
Jessie
Jessie 4 天 前
行行出狀元,只要努力多吸取經驗和繼續升呢,總有出頭天 ! 加油 👍🏻
jojomalai lai
jojomalai lai 4 天 前
外地来的比本土有用,
Tracy L
Tracy L 4 天 前
蓝色T恤的男生,你已经赢得好多人的尊敬。你会越来越好噶,加油!
dora lo
dora lo 4 天 前
藍色衫年輕人,你才二十歲就咁有計劃,又肯捱又孝順又顧家,你一定能夢想成真,開自己餐廳的!支持你!👍👍👍💪💪💪😍😍😍
Jeff Chan
Jeff Chan 4 天 前
大陸人黎香港做乜。。。。。。。
Frankie che
Frankie che 5 天 前
年輕人加油啦!當你感到自己的不幸時.可以想想世界上有些人食完一餐下一餐不知要等到什麼時候才能食.其實你已比他們幸福.面對困難必須用樂觀嘅態度去面對.埋怨只會原地踏步!只要自己不棄.總有出頭天.
佳陀地
佳陀地 5 天 前
點解仲可以咁低人工?我作為老細,真係心UP,,
To To
To To 5 天 前
肥仔,快点清醒啦
Stephen Sy
Stephen Sy 5 天 前
香港一向都係講生存,唔係過生活。
岇煜
岇煜 5 天 前
好假,廚房靚仔得一萬,求其有手有腳咩都唔識都萬五六啦,學歷低?我係大陸讀到小學2年級啦我都做廚房啦有心學做兩三年穩兩三萬邊係問題啊,一係自己問題,一係無題材穩兩個靚仔老作啲新聞,個肥仔身光頸靚,扮都扮好啲啦,老作都作其他啊搞到人地以為我廚房呢行好差咁,肯做肯學唔怕辛苦咩都唔識我俾萬6-7你,兩年內我包你穩兩萬以上,我早10年前進行就9千,現在你無兩萬5~3萬你都唔好穩我,片中兩位主角講到咁落力做也咁慘,留言俾我,開波我俾萬6你年半兩年包你穩兩萬以上,但係如果你同呢條片與事實不符,我又幫你拍翻條片上網呢,可以出現金俾你添呢唔洗你交老強同稅呢 留個聯繫方式
Jacky Little
Jacky Little 5 天 前
你老味! 死肥仔你真係多餘! 你走去做超市,零經驗都請,一入就過萬. 肯做,努力D,升得又快,萬中絕對無題. 唔肯做就認啦,仆街! 戲院真係可以話無壓力,叫做無咩野做,你都可以做唔長, 你個人真係好有問題! 仲有面俾人訪問,利害! 香港唔死都難!
lai nam chung
lai nam chung 5 天 前
政府幫助青少年
christine lai
christine lai 5 天 前
其實唔洗咁悲觀,大陸好多大城市。有好多送外賣送快遞既男仔。人工都係3-5千。我又唔覺得大陸依家既消費物價好低。其實有幾億人都係咁辛苦咁捱。最緊要個人踏實一心一意搵個好女仔做老婆。2個人既錢擺埋一齊始終力量大d ,積少成多。但呢中間都要用心對值得好既人。相信無錢唔係錯,怨天怨地怨社會先係無得救。或者你都可以怨,但邊個唔係捱緊?錢有幾多先叫多呢?無錢做奢侈野,但香港係餓唔死同機會先公平架啦。至少香港地食飯真係貴,做廚房人工唔高,但食飯已經節省一大半。大把人辛辛苦苦儲緊首期帶緊飯,儲到唔知何年何月都係一樣咁樣捱 有幾個朋友爸爸。不約而同都早離世。距地都係好人 老實人,年輕時候為家庭去捱。供埋仔女另一半大半世,自己卻享受唔到,並唔係覺得咁樣係好,但距地既精神係犧牲左少我,完成左大我。精神值得人敬佩,能力不足但誠意十足。一輩子堅持一份信念,就是努力。你可以覺得這樣很愚蠢,但你不要有一天想吃飽喝足又想要奢侈,不然就怨天怨地怨自己無人欣賞。問題係,唔努力,你有得揀咩?
leo chan
leo chan 5 天 前
其實仲俾三千蚊屋企都真係好乖
帕特里克
帕特里克 5 天 前
廚房仔,有無我最愛既楊洲炒飯?
帕特里克
帕特里克 5 天 前
如果你炒得好食,我私下教你骨刀開三文魚和燒玉子,夠你去做炒散賺錢追夢。呵呵
peacy l
peacy l 5 天 前
加油,你地已经俾果班斋9up,净系识得搞事既废青强,。虽然现状可能不理想,但系肯挨肯做,会有改变现状既机会。
killuatt ting
killuatt ting 5 天 前
譚仔呀姐好似$15,000一個月。
ben denny
ben denny 5 天 前
加油,少年
COMBINE Ltd
COMBINE Ltd 5 天 前
在歐洲都常吃麵包的,有得吃已經很好。你有便宜衣服比你買已經很好,歐洲貴到爆。雖然外國也有很好享受,但又有好窮的。香港最衰的是樓貴,這些地產、建築大財團一起弄高價。是大陸和香港財團走去澳門、英國和歐洲大量買便宜屋,然後炒高房價,其他業主見勢又跟風,害到個個國家都貴樓價。日本因為太多空置物業,加上地震,所以炒極都不會很貴。我知有地產因為大量入貨,有些單位壓著沒人買。比如保加利亞,物業是很便宜,但居民只說保加利亞語,文件路牌也是,種族歧視,你去住啦!
Anik i
Anik i 5 天 前
廚師有機會靠手藝熬出頭 更何況佢又後生又識諗
yee bo lai
yee bo lai 5 天 前
D段片幾時拍?如果在2028年度、廚房學徒己經由15K開始
Jason Gamer
Jason Gamer 5 天 前
招員工: 不收會費押金 有空時照著圖片打字=💲💲 1000字➡200台幣/70港幣/35馬幣 每晚12點結算薪水 時間隨意 沒空的晚點再做也可以 只要手中的一部電話 在哪裏都可以做💕💕 適用在平日時間多多 沒事可做的你😆 有興趣便加 @easy.online_job_ 了解吧! 了解後不想做也沒關係!! 打擾了>
TszKwan Luk
TszKwan Luk 5 天 前
一萬食廚房? 雜工都唔只呢個價啦 個老闆搵人笨7
Wai Kwan Chan
Wai Kwan Chan 5 天 前
儲錢, 讀下專業裝修技工? 地盤現場或管理相關工作? 港鐵維修? 學做專業既中菜廚? 你咁肯挨, 肯定搶手, 比個讚你...政府而家都有2萬進修資助, 可以留意下 !
靌李
靌李 5 天 前
我以为戴眼镜嘅肥仔系何俊谦。
nmhvk
nmhvk 5 天 前
咩工點都要有人做既
Tm Lam
Tm Lam 5 天 前
第2個 話上課程? 唔同打机 讀完冇用 只有还錢 第1個 自己做廚房 想自己開舗 有点实際
kaming2454
kaming2454 5 天 前
我唔明點解要做part time,呢家做份廚房仔或者點心仔好多酒樓入行都已經1萬5以上,多D既話萬7-8都有....7,8千連樓面D師奶都唔止啦..不過一個月26日,一日10個鐘就最基本架啦...窮都係窮架啦..但係響基層黎講你會生活D舒服D囉,一樣唔需要學歷..搵工睇你點揀架姐
Ioksan Ao
Ioksan Ao 5 天 前
冇買新衫但係買新鞋呢
Wong Wong
Wong Wong 5 天 前
同我一樣未去過外國,根本現在就是M字型社會,一千萬人口,最有錢既人得幾十萬人口,最貧窮是過百萬,甚至二百萬人口,上左岸班契弟仲話果班在職貧窮工人是社會上最冇用的一群人。冇班基層人士24小時不停工作。你班所謂有錢人可以過甘好生活咩。現在更劏房床位合理化。四、五十尺一個單位。也要四、五千元一個月。私人樓全部劏房合理化。100-150尺,仲要一家三口住。但也要2萬至3萬元一尺。呢個香港財富嚴重失衡既社會,只會造成大部份九成人口有精神病或情緒病。只有1成既有錢人過著所謂正常人生活。我深信全球得香港才是一個甘畸型的社會。可悲。 八、九、千禧初也是出生錯時代。 给一些 戰後婴兒潮出生的40、50後每天笑廢青。 1989中國64民運事件,產生當年英屬香港移民潮,而得益的60、70後(當年的大專生、大學生)。趁此而上位的中產人士。每天助攻去壓迫新一代。 呢班人通通豬狗不如、滅絕人性。
Chao Xu
Chao Xu 5 天 前
还不如去大陆送外卖。都赚2万多一个月。房租还便宜,何必呢。
蟲蟲
蟲蟲 5 天 前
條肥仔假到!!! 搵唔到全職我真係笑左!! 大把工搵全職拉 唔好話自己捱唔到
WILLIAM WONG
WILLIAM WONG 5 天 前
莫欺少年窮
孙文龙
孙文龙 5 天 前
你那压力算什么 孩子都没有
Jackson Ho
Jackson Ho 5 天 前
唔知點解個肥仔我好想打佢 佢話佢做過保安 保安人工一定高過樓面侍應好多 但佢遍遍又唔去做保安 我諗咗一諗 覺得佢保安果到應該係成日蛇王而俾人炒
flying dutchman
flying dutchman 6 天 前
20歲無錢有幾出奇,之前有個中大畢業生兩萬一個月,開post話自己老豆老母無用錢無用住公屋,呢d仆街連要自己爭取都唔識,自己靠老豆老母供書教學讀到大學畢業就以為自己好撚巴閉,你地嘅成熟已經蠃佢地成條街
大門東
大門東 6 天 前
係都要落黎香港
芳清零
芳清零 6 天 前
7:52 咁ge家境仲玩RGB,抵你
Raptor Ting
Raptor Ting 6 天 前
點解D人咁睇好做廚房果個人?我見佢講野慢條斯理,切野又慢吞吞咁。 然後起依家資訊咁發達既年代,都搵得份人工咁低既廚房學徒。 我見佢都有用手機,但佢識唔識用手機可以上網搵工架? 佢咁樣都會成功?咪玩啦。
闫磊
闫磊 6 天 前
大陆三线城市3000块 不够养活自己
Albert Peng
Albert Peng 6 天 前
莫欺少年穷
茹囡
茹囡 6 天 前
香港困死不少人,我地8090都咁00仲難挨,用智能取代大量低學力競爭力的人。文職醫護司機廚都會被取代,所以第一位加把勁。四份一人工比家用,好過大把男人,而家男人不易做,但你老老實實承擔了,真心欣賞你。
鄭芝盛
鄭芝盛 6 天 前
而家入行都萬七八啦
Jerry Lau
Jerry Lau 6 天 前
做廚房好多都會走去賭,唔聲唔聲嚇你一驚
It'sNANA CHAN
It'sNANA CHAN 6 天 前
其實依家做飲食/廚房點會甘低?定係人地見佢新移民/細個所以壓佢? 我見好多飲食/廚房既起碼都皮5以上🤫
king chan
king chan 6 天 前
來香港把撚咩!成個香港就來逼爆了日日來的新移民不停咁來唉!
Smiley Face from HK
第一個哥仔加油。我當年畢業都係一萬蚊一個月,比兩千蚊家油。但只要堅持,向住你目標進發,我相信你會成為一位出色既廚師,餐廳老闆。趁後生捱一段時間,將來一定會更好,因為你既態度好,會好多人願意比機會你!
Johnny Tsang
Johnny Tsang 6 天 前
三萬都吾相比家用 何況 一萬 我支持第一位 佢真系有理想,會成功 但第二個就難啲。。 大陸都叫旅行?無病下話?
heng goh
heng goh 6 天 前
至少靠自己 加油
Bean JJ
Bean JJ 6 天 前
第二位肥仔根本就係自己懶人一個!
Brenda Tang
Brenda Tang 6 天 前
努力💪🏻,不要氣餒!
Brenda Tang
Brenda Tang 6 天 前
每個年代都有每個年代的哀歌。年輕人努力💪🏻啊!
Brenda Tang
Brenda Tang 6 天 前
每個年代都有每個年代的哀歌。年輕人努力💪🏻啊!
Kayson Mao
Kayson Mao 6 天 前
中二就唔讀,又無技能,窮係正常
菜豆瓜
菜豆瓜 6 天 前
我21,依家係酒樓做廚房打荷,一萬九一個月
菜豆瓜
菜豆瓜 6 天 前
我入行先一年幾,冇經驗入行最低起碼都有一萬六或者一萬七
Tommy Tung
Tommy Tung 6 天 前
無理由得1萬,其他出現金?
xD
xD 6 天 前
後面個男仔講嘢都有口音喎 點解呢
Yee Man Kwong
Yee Man Kwong 6 天 前
第一個真系好charming
Wah Yauwaiwah
Wah Yauwaiwah 6 天 前
他們是勤力打工 仔🖒
Keanu Choi
Keanu Choi 6 天 前
加油廚房哥仔, 我信市面有高D既人工廚師, 如果大家知道人工高D可以通知下哥仔。好生性。
蓝Hugo
蓝Hugo 6 天 前
废青
下一个
鏗鏘集:隱青阿明
21:26
five second rule
0:12
意见 651 880